Жоғары

Дәулетбек Садуақас

Дәулетбек Сәдуақасов (1938-2009) Шет ауданының Жастерек ұжымшарда (қазіргі Тағылы ауылдық округі) туған, көрнекті күйші.ҚР Мәдениет қайраткері. А.ш. саласында түрлі қызметтер атқарады. Шет ауданы Тұтынушылар қоғамы шикізат дайындау мекемесінің директоры болды, зейнеткерлікке шыққаннан кейін күйшілік өнермен біржола айналысты.Жеті жасынан домбыраға әуестеніп, 1950 ж. Елге келген атақты күйші Әбікен Хасеновтың көзін көріп, күйлерін үйренеді. «Мәңгілік сарын», «Күй керуен», байқауларына қатысып,«Қазақтың жүз күйі»,Қазақ радиосына Арқа күйлерін, оның ішінде Шет ауд.-нан шыққан атақты шертпе күй шеберлерінің- Қыздарбек, Әбди,Сембектердің күйлерін жаздырды, әрі ұмытыла бастаған күйлерді осы уақытқа жеткізуші.Күйтабақтары көп таралыммен шыққан.Күйші жөнінде деректі  «Телағыс» т.б. фильмдер түсірілген. 2008 ж.күйшінің тікелей басшылығымен республикалық «Күй- керуен» байқауы Шет ауд.-ның орталығы Ақсу-Аюлыда өтті. Өзі де күй шығарған. Оның «Аралбай баба: бірінші толғау», «Аралбай баба: екінші толғау»,  «Қуаныш», т.б. күйлері ел ішінде кеңінен мәлім болып отыр.

Әдеб.: Сәдуақасов Д. Шеркөккіректі шертпе күй / әңгімел. Ш.Сатыбалдиева // Қазақәдебиеті.2008. -5-11 қыркүйек (№ 36).-14-15 б.;

Сәдуақасов Д. Мәдениетіміздің мәйегі: күйші Д. Сәдуақасовпен сұхбат/ сұхбаттасқан С.Тұяқбайқызы // Шет шұғыласы. -2008.- 22 мамыр (№23).-3 б.;

Сәдуақасұлы Д. Арқа күйлері  (Электрондық ресурс)/  Д. Сәдуақасұлы; жауапты ред. Г.Салықбай.Алматы :EL продюсерлік орталығы, (2010).-1 эл.опт. диск (CDROM);

Дәулетбек Сәдуақасов // Орталық Қазақстан. – 2009.-24 қазан  (№ 162/ 163 ).-7 б.; Қабылдаұлы С. Алыптардың көзін көрген соңғы тұяқ. Өнер жұлдыздары // Орт. Қазақстан .- 2008 -6 наурыз. -6 б.

 

 Пайдаланған әдебиеттер:

Шет шұғыласы.-2015.-19 ақпан (№07).-3б.


Келулердің саны: 4061