Семинар барысы бүгінгі таңда кітап кеңістігі мен оқуды насихаттап,қолдауға,әдеби шығармалар арқылы, жастардың жекке шығармашылығын көпшіліке насихаттауға арналды. Семинардың ашылуын Аудандық орталық кітапханамыздың басшысы Нурпеисова Мейрамгүл Сансызбайқызы бастап берді.
Семинар аясында Нұра ауданында өткен Н.В.Гоголь атындағы әмбебап ғылыми кітапханасы ұйымдастырған II-ші аймақтық практикум семинарына өзіндік ерекше стильде өткізілген «Оқырмандарды кітапханаға келуге шабыттандыратын мобильді контент» атты тақырыпты шеберлік сағатынан дәріс алған аудандық балалар кітапханасының кітапханашысы Сабыртаева Аружан Ғазизқызы толық түсіндіріп өтті. Семинар барысында Сәкен Сейфуллин кенттік кітапханашысы Әбеуова Айнұр кітапханашылар арасында «Білгір кітапханашы» атты зияткерлік ойын ойнатып бір сергітіп алды.
Семинар жалғасы соң ауданымызға қарасты барлық елді мекендердің кітапханаларындағы клуб және үйірме мүшелерінің қатысуымен Шәкәрім Құдайбердіұлының 165 жылдық мерей тойына орай Шәкәрім мұраларын насихаттау барысында өткен «Шәкәрім мұрасы-ұрпаққа аманат» атты үш кезеңді қамтыған байқау болды. 15-30 жас аралығында 22 үміткер қатысып, түрлі дәрежедегі марапаттарға ие болды. Байқаудың бірінші кезеңінде Шәкәрім өлеңін жатқа айтуда оза шапқан Өспен ауылдық кітапханасының оқырманы Хамитов Дәулет жүлделі I- орынды иеленді, Қызылқой ауылдық кітапханасының оқырманы Қайратқызы Айзат және аудандық орталық кітапханасының кітапханашысы Көпбаев Бақдәулет Нұрболұлы II-орынды иеленді.Осы кезең бойынша Сәкен Сейфуллин атындағы кенттік кітапханасының оқырманы Шегебекқызы Назым және Ақшоқы ауылдық кітапханасының оқырманы Сәден Раяна Бақтиярқызы III-орынды иеленіп «Дипломмен марапатталып, бағалы сыйлықтар табысталды.
«Ізгіліктің педагогикасының өкілі-Шәкәрім» атты кезеңі тақырыптық эссе жазуда барлық қатысушыларға «Алғыс хат» берілді. Үшінші кезең – «Өлең сөздің патшасы» өз туындысын жарыққа шығару, еркін тақырыпта өлең жазуда екі үміткер қатысып, Бұрма ауылдық кітапханасының оқырманы Махабаева Назерке Алтынбекқызы үздік атанып, дипломмен марапаталса қалған қатысушылар алғыс хатпен марапатталды. Сондай-ақ байқауға қатысушыларға ықпал жасаған жетекшілерге де «Алғыс хат» табысталды. Байқау сонында Өспен ауылдық кітапханашылары Балғабекова Бекзатпен Толеукулова Гаухар бүгінгі семинарда «Дәмді кітаптарға шақырамыз» атты Библио-кафемен аяқтады.Семинардағы кітапханашылардың ой тұжырымдары кітапхана-адамдардың басын қосыу, білім беру мүмкіндігі бар бірден –бір парасатты мәдени орын екенін түсіндіру, әр кітапханашының басты міндетімен парызы екенін ұғындыру болып табылады.
