Демесінұлы Серік
Серік Демесінұлы 1936 жылы 25 қарашада Қарағанды облысы, Шет ауданы, Айғыржал колхозында дүниеге келген. Жасынан жетім қалып, ағайындарының қолында өсті. 7 класcқа дейін аудан орталығындағы мектепте оқыды.
1956 жылы Қарағанды қаласындағы №2 ші мектепті бітіргеннен кейін еңбек жолын өзінің туған ауылында бастады. Спортты өміріне серік еткен ол көп ұзамай ірі жарыстардан көрініп, еліміздің басты командасының құрамына алынады. Одақтық жарыстарға қатысып, жеңімпаз болды.
1955 жылы Воронеж қаласындағы Одақтық жарыста, 1956-58 жылы Ташкенттегі Орта Азия студенттері арасындағы жарыста, Мәскеудегі жарыстарда жүлдегер атанды. 1960 жылы Шымкент, 1961 жылы Семей қаласында ауыл-село жастарының арасында өткен жарыста бірінші орын алды. Серік Демесінұлы 1963 жылдан аудандық жасөспірімдер мектебінде зейнеткерлікке шыққанға дейін жаттықтырушы болып,жемісті еңбек етті. Ол ауданымызда спорт шеберлерін даярлауда өзіндік сүбелі үлесін қосты. Қазақстан Республикасына еңбегі сіңген жаттықтырушы 1961 жылы аудандық балалар мен жасөспірімдер спорт мектебінің негізін салып, өзі ұзақ жылдар сол мектепте жастарды тәрбиелеумен шұғылданды. Қазақ ССР-інің спорт шебері атағын алған Серік Демесінұлы Орта Азияның және Қазақстанның әлденше дүркін чемпионы.
Қазақстан Республикасына еңбегі сіңген жаттықтырушы 1961 жылы аудандық балалар мен жасөспірімдер спорт мектебінің негізін салып, өзі ұзақ жылдар сол мектепте жастарды тәрбиелеумен шұғылданды.
1966 жылдан үш жыл қатарынан Серіктің шәкірттері облыстық жарыстың жеңімпазы танылды. Өзінің саналы өмірін спортқа арнаған С.Демесінұлының жарқын бейнесі оны білетіңдердің есімінде ардайым сақталады.1998ж 15-ші ақпанда Орта Азия мен Қазақстан Республикасының қазақша күрестен бірнеше дүркін жеңімпазы, спорт шебері, зейнеткер Серік Демесінұлы ұзаққа созылған ауыр науқастан қайтыс болды. 1988 жылы Секең мезгілсіз дүниеден қайтты.
Пайдаланған әдебиеттер:
Жүністегі, К. Шырағдан [Мәтін] / К.Жүністегі.- Алматы: “Ел-шежіре” ҚҚҚ, 2007. –259-260 б.
Шет ауданы : [Мәтін] энциклопедия – Алматы: Қазақпарат, 2011- 138 б.
Ол туралы:
Жүністегі, К. Шырағдан [Мәтін] / К.Жүністегі.- Алматы: “Ел-шежіре” ҚҚҚ, 2007. – 260 б.
Шет ауданы : [Мәтін] энциклопедия – Алматы: Қазақпарат, 2011- 138 б.
Мерзімді басылым беттерінде:
Серік Демесінұлы [Мәтін] // Заман.-1998.-21 қазан (№7).- 6 б.
Топжарған [Мәтін] // Заман.- 2007.-22 ақпан (№8).- 6 б.
Демесінұлы Серік [Мәтін] Заман.- 1998.- 21 ақпан.- (№7).-8 б.
Әбдірахманов, М. Дарабоз [Мәтін] / М.Әбдірахманов // Шет шұғыласы.- 2008.- 17 сәуір (№16-17).-7 б.
Суханберлин О. Мақтанышым [Мәтін] / О. Суханберлин // Орталық Қазақстан. - 2006.- 29 шілде (№).-8 б.