Нұрбеков Жылқыбай

(1920-1948) Шет ауданы. Нұраталды ауылында дүниеге келген, төкпе ақын, КСРО Жазушылар одағының мүшесі (1947).Әкесінен жастай жетім қалып, шешесінің тәрбиесінде болады. Қарағанды оқытушылар институтын бітірген (1940). Шет ауданының мектептерінде қазақ тілі мен әдебиетінің мұғалімі (1940-1944). Қарағанды облысы «Советтік Қарағанды» газетінің әдеби қызметкері, мәдениет бөлімінің меңгерушісі болды (1945-1948). «Отан махаббаты» (1945), «Жиырма бес» (1945), «Менің қалам» (1947) поэмаларының авторы. Сарыарқаның сұлу табиғатын, кенге бай өлкенің еңбек адамдарын сүйіспеншілікпен жырға қосты. Алматыда өткен жас жазушылардың бірінші республикалық кеңесіне қатысқан (1947).