Текті тұлғалар түлеп ұшқан тұғырлы өлке

Өткен ғасырдың жиырма сегізінші жылында аудан болып құрылған Шет бүгінде керегесін кеңге жайған облысымыздағы іргелі аудандардың бірегейі. Содан бергі кезеңде сыныптай сырғыған уақыт- ағзаммен үндесе күн кешіп, қоғам өміріндегі елеулі серпілістер мен сілкіністерге қоян- қолтық араласты. Сонар түспеген соны шақта тыңнан түрен тартқан ауданның алғашқы құрлысшылары қатарында аталарымыз бен әкелеріміз, аналарымыз бен апаларымыздың бірге болғаны, қабілет- қарымы мен жігер- жалынын аямай жұмсап, жұртты ілгері бастырғаны баршаға мәлім.

Туған өлкесін түлетуге тынымсыз тер төгіп, ерекше еңбек сіңірген мемлекет қайраткері Қасымбек Медиев ағамыз тарихи кеңістіктің олқысы мен кемісін жалғыз өзі толтырып тұрған толайым тұлғалардың бірі.